දැදුරු දිය රැළකට ගසා ගෙන ගිය පස් දෙනෙකුගෙන් තිදෙනෙකු බේරා ගැනෙයි

විනෝද චාරිකාවකට එක්වි දැදුරු ඔයේ දිය නාමින් සිටි පිරිසක පස් දෙනෙකු දිය රැළකට හසුව ගසා ගෙන යද්දි තරුණියන් තිදෙනෙකු බේරා ගෙන ඇතත් එම දිය රැළට හසුවු තරුණයින් දෙදෙනෙකු දියෙ ගිලි අතුරුදහන් වී ඇති බව ඊයේ (1) දින සවස හලාවත මූලස්ථාන පොලිසිය කියයි.

මෙලෙස අතුරුදහන් වී ඇත්තේ කටුගස්තොට අංක 36/01 බී හමංගොඩ ලිපිනයෙ පදිංචි 20  හැවිරිදි වැල්දෙනිය කංකානම්ලාගේ කව්ශාන් දිල්හාර විරසිංහ හා ගලගෙදර වෑත්තෑව නාරංවල පදිංචි දමුණුගස් තැන්නේ ගෙදර දිනුෂ ශ්‍රීමාල් ප්‍රේමරත්න 22 හැවිරිදි තරුණයින් දෙදෙනෙකු බව කියයි.

නුවර සිට පැමින ඇති මෙම පිරිස ඇගළුම් කර්මාන්ත ශාලාවක හා වෙළද සැලක සේවය කරනු ලබන පිරිසක් බවත් මොවුන් මැයි දිනයෙ ආයතන වල නිවාඩු ලැබිමත් සමග මෙලෙස විනෝද චාරිකාවකට එක්වි හලාවතට පැමින දැදුරු ඔයෙ දිය නාමින් සිටියදි අවාසනාවන්ත ලෙස දිය රැළකට හසුව ඇති  බව කියයි.

දිය රැළට හසුවන විට දැදුරු ඔයේ මෙම පිරිස සමග පැමිනි තරුණීයන් තිදෙනෙකු හා මේ වන විට අතුරුදහන් වී ඇති තරුණයින් දෙදෙනා දිය නාමින් සිට ඇති බවත් මෙම පිරිස දිය රළට හසුවි ගසා ගෙන යද්දි අවට සිටි පිරිස් මහත් පරිශ්‍රමයක් දරා තරුණීයන් තිදෙනා බේරා ගෙන ඇතත් ඒ වන විටත් තරුණයින් දෙදෙනා දිය රැළට හසුවි ගසා ගෙන ගොස් තිබු බව කියයි.

මේ දිනවල දැදුරු ඔයෙ ජල මට්ටම යම් තරමින් ඉහල යාමත් සමග එහි දිය රැළට මෙම පිරිස හසුව ඇති බව පොලිසිය කියයි.

දිය රැළට හසුවි ගසා ගෙන ගිය තරුණයින්ගේ සිරුරු සොයා ප්‍රදේශ වාසින් හා පොලිසිය යාත්‍රා යොදා ගනිමින් මෙහෙයුමක් ක්‍රියාත්මක කලද 1 දින රාත්‍රි වන විටත් හමුවි නැති බව කියයි.

දියෙ ගිලි බේරා ගත් තරුණියන් තිදෙනා ප්‍රතිකාර සදහා හලාවත මහ රෝහලට ඇතුලත් කිරිමට කටයුතු කර තිබුනී.