ඊශ්‍රායලයේ එෂ්තාඕල් වනාන්තරයේ ලැව් ගින්න
ඊශ්‍රායලයේ ජෙරුසලමට ආසන්නයේ පිහිටි එෂ්තාඕල් වනාන්තරයේ ඊයේ (30) හටගත් ගින්න මේ වනවිට දරුණු ලැව්ගින්නක් ලෙසින් ජෙරුසලෙම් සහ ටෙල් අවීව් නගර අතර ජෙරුසලෙම් නගරයට වඩාත් ආසන්නයෙන් පැතිර යමින් පවතින බව විදෙස් වාර්තා සඳහන් කරයි.
එරට පවතින අධික වියළි කාලගුණය සහ ඉහළ සුළං ප්‍රවාහය හමුවේ එය වේගයෙන් ව්‍යාප්ත වෙමින් පවතින බවත්, දැනටමත් හෙක්ටයාර 3,000කට අධික භූමි ප්‍රමාණයක් විනාශ වී තිබේ.
මෙම ලැව්ගිණි තත්වය නිසා ජෙරුසලෙම් සහ ටෙල් අවීව් යා කරන ප්‍රධාන අධිවේගී මාර්ගයක් වන රූට් වන් මාර්ගය වසා දැමුණු අතර, ඇතැමුන්ට සිය රථ වාහන ද අතහැර යාමටද සිදු වී ඇත. ගිනි නිවන අංශ 150කට අධික සංඛ්‍යාවක් යොදවා ගුවන් මගින් ද ගිනි නිවීමේ මෙහෙයුම් ක්‍රියාත්මක වුවත්, අධික සුළං ප්‍රවාහය හේතුවෙන් ගින්න පාලනය කිරීම දැඩිලෙස අසීරු වී ඇති මොහොතක ඊශ්‍රායලය, විදෙස් රටවල සහාය ඉල්ලා ඇතැයි ද සඳහන්ය.
ජෙරුසලෙම් දිස්ත්‍රික්ක ගිනි නිවන දෙපාර්තමේන්තුව පවසන ආකාරයට මෙය ඊශ්‍රායලයට බලපෑ දරුණුතම ලැව්ගින්න විය හැකි බව අනුමාන කරන බවයි.
01/05/2025
