කුඹුරු ඉඩමක් තුළ විදුලිසැර වැදී දෙදෙනෙක් මැරුට

ඊච්චලම්පත්තුව  පොලිස් වසමේ සූර්නගර් ප්‍රදේශයේ කුඹුරු ඉඩමක් තුලදී පුද්ගලයින් දෙදෙනෙකුට ඊයේ (01දා) විදුලිසැර වැදී ඊච්චලම්පත්තුව රෝහලට ඇතුලත් කිරීමේදී මියගොස් ඇති බවට ඊච්චලම්පත්තුව පොලිසියට ලද පණිවිඩයක් අනුව විමර්ශනයක් ආරම්භ කර ඇත.

අවුරුදු 29 හා 47යන වයස්වල පසුවන සූර්නගර් ප්‍රදේශයේ පදිංචිකරුවන් වන මොවුන් කුඹුරු ඉඩමේ හිමිකරු විසින් ඉඩම වටා අදින ලද අලිවැට අළුත්වැඩියා කටයුතු සිදු කිරීමේදී වයස අවුරුදු 47ක් වන පුද්ගලයාට විදුලි සැර වැදී ඇති අතර ඔහු බේරා ගැනීමට උත්සහ කල දියණියගේ ස්වාමි පුරුෂයාටද විදුලි සැර වැදී ඇති බවට සිදු කරන ලද වැඩිදුර විමර්ශනයේදී අනාවරණය වී ඇත.

මෘත ශරීර ඊච්චලම්පත්තුව රෝහලේ මෘත ශරීරාගාරයේ තැන්පත් කර ඇති අතර සිද්ධිය සම්බන්ධව ඊච්චලම්පත්තුව  පොලිසිය විමර්ශන සිදුකරනු ලබයි.