පකිස්ථානයට, ඉන්දීය ගුවන් සීමාව තහනම් වෙයි.
පකිස්ථානය හා ඉන්දියාව අතර ගැටුම්කාරී තත්ත්වය යළි දරුණු වී ඇති පසුබිමක පකිස්ථානය හිමිකාරිත්වය දරණ සහ පකිස්ථාන පාලනය යටතේ ඇති සියලුම ගුවන්යානාවලට සිය ගුවන් අවකාශය වසා දැමීමට ඉන්දියානු රජය තීරණය කර තිබේ.
ජම්මු සහ කාශ්මීරයේ පහල්ගම් හිදී පකිස්ථානයට සම්බන්ධ ත්‍රස්තවාදීන් පිරිසක් විසින් කළ වෙඩි තැබීමකින් සංචාරකයින් 26 දෙනෙකු මිය යාමට ප්‍රතිචාර ලෙස ඉන්දියාව මෙම පියවර ගෙන තිබේ.
කෙසේ වෙතත් පකිස්ථාන රජය විසින් පසුගිය බ්‍රහස්පතින්දා ඉන්දියානු හිමිකාරිත්වය දරණ සහ ඉන්දියානු පාලනය යටතේ ඇති සියලුම ගුවන්යානාවලට සිය ගුවන් අවකාශය වසා දැමීමට පියවර ගෙන තිබිණි.
01/05/2025
