පානදුරේ වෙඩිතැබීම ගැන විස්තරේ

පානදුර, මාලමුල්ල, පින්වල ප්‍රදේශයේ නිවසක කොටහළු මංගල්‍යයක් වෙනුවෙන් පැවති සාදයක් අතරතුර ඊයේ (29.04.2025)  අළුයම එහි පැමිණි නාඳුනන තුවක්කරුවන් දෙදෙනෙකු වෙඩි තැබීමක් සිදුකර පළා ගොස් තිබුණි.

පොලීසිය පවසන ආකාරයට වෙඩික්කරුවන්ගේ ඉලක්කය වී ඇත්තේ ඩුබායිහි සැඟව සිටින මත්ද්‍රව්‍ය ජාවාරම්කාර නිලංග නැමැත්තාගේ සමීප ඥාතියෙකු වන චතුරංග නමැති පානදුර ප්‍රදේශයේ මත්ද්‍රව්‍ය ජාවාරම්කරුවකු වූවත්, වෙඩික්කරුවන් විසින් චතුරංග වෙත වෙඩි තැබීමට උත්සහ කරන අවස්ථාවේ නර්ථනයේ යෙදෙමින් සිටි පිරිසක් අතරින් අයෙක් සිදුවීම දැක ගිනි අවිය මානාගෙන සිටි වෙඩික්කරුට ගලකින් පහරදීමට උත්සාහ දරා තිබේ. එම අවස්තාවේදී වෙඩික්කරු එම පුද්ගලයාට වෙඩි ප්‍රහාරයක් එල්ල කර ඇති අතර එම වෙඩි ප්‍රහාරය එහි සිටි තවත් අයෙකුට ද වෙඩි වැදී ඇති බවත්ය.

වෙඩික්කරුවන්ගේ ඉලක්කය වූ චතුරංග නැමැත්තාට කිසිඳු හානියක් සිදුව නැති අතර තුවාල ලැබූ පුද්ගලයන් දෙදෙනා පානදුර රෝහලට ඇතුළත් කිරීමේදී ඉන් එක් අයෙකු මියගොස් තිබේ. එලෙස මියගොස් ඇත්තේ වෙඩික්කරුවන්ට ගලකින් පහරදීමට උත්සහ දැරූ පුද්ගලයා වන අතර ඔහු කසුන් හරිස්චන්ද්‍ර නම් 35හැවිරිදි  අයෙකි. වෙඩි වැදීමෙන් තුවාල ලැබූ  අනෙක් පුද්ගලයා 20 හැවිරිදි පුද්ගලයෙකි.

මේවන විට අධිකරණය මගහරිමින් අතුරුදන්ව සිටින කුඩු සළිඳු නමැති මත්ද්‍රව්‍ය ජාවාරම්කරු විසින් ප්‍රහාරය මෙහෙයවා ඇති අතර පානදුරේ මත්ද්‍රව්‍ය ජාවාරම කුඩු සළිඳුගෙන් ගිලිහී නිලංග නැමැත්තා අතට පත්වීම වෙඩිතැබීමට හේතුවී ඇති බවට පොලීසිය සැක පළකරයි. කලක් කුඩු සළිඳු සමග එකට සිටි නිලංග නමැත්තා පසුව ඔහුගෙන් වෙන්වී වෙනම මත්ද්‍රව්‍ය ජාවාරමට ප්‍රවේශවී ඇති බව පොලීසිය පවසයි.

සිද්ධිය සම්බන්ධ වැඩිදුර විමර්ශන හිරණ පොලීසිය විසින් ක්‍රියාත්මක කරයි.