ලංකාවේ වරායකට පැමිණි අතිවිශාලතම බහලුම් නෞකාව කොළඹ වරායට

ලොව විශාලතම බහලුම් නෞකාවක් වන MSC MARIELLA නෞකාව කොළඹ වරායේ නැගෙනහිර ජාත්‍යන්තර බහලු පර්යන්තය වෙත මෙහෙයුම් කටයුතු සඳහා ලඟා වී තිබෙන්නේ ශ්‍රී ලාංකේය සමුද්‍රිය ඉතිහාසයේ සන්ධිස්ථානයකට එළඹෙමින් ය. ශ්‍රී ලංකා වරාය අධිකාරිය පවසන ආකාරයට ශ්‍රී ලංකාවේ බහාලුම් පර්යන්තයකට පැමිණි විශාලතම බහලුම් නෞකාව ලෙසින් මෙම නෞකාව හැඳින්විය හැකි‍ වීමත් සමග කොළඹ වරාය සමුද්‍රීය කලාපයේ ප්‍රධාන කේන්ද්‍රීය වරාය බවට පත්වෙමින් ලෝකයේ විශාලතම බහලුම් නෞකා මෙහෙයවීමේ හැකියාව මෙම MSC MARIELLA නෞකාව පැමිණීමෙන් තහවුරු වන බවයි.

2023 වර්ෂයේ දී ඉදිකරන ලද MSC MARIELLA බහලුම් නෞකාව දිගින් මීටර් 399.90 කින් යුතු අතර නෞකාවේ පළල මීටර් 61.30කි. ටොන් 240739.0 ක ධාරිතාවයකින් යුක්තය. රැගෙන යා හැකි බහලුම් ධාරිතාව 24,24කි. 

මෙම නෞකාව ශ්‍රී ලංකා වරාය අධිකාරියට අයත් නැගෙනහිර ජාත්‍යන්තර බහලුම් පර්යන්තය වෙත පැමිණීම තුළ නැගෙනහිර පර්යන්තය සතු අතිවිශාල බහලුම් නෞකා මෙහෙයවීමේ ශක්‍යතාවය තහවුරු වේ.

මේ වන විට නැගෙනහිර බහලුම් පර්යන්තය සතුව ඉතා දියුණු තාක්ෂණික ක්‍රමෝපායන්ගෙන් සමන්විත (STS) ග්‍රැන්ටි දොඹකර සමූහය තුළින් කාර්යක්‍ෂමව සහ ආරක්ෂිතව බහලුම් මෙහෙයුම් සිදුකිරීමට අවකාශය සලසා දීමට සමත් වීම තුළ එය දියුණු යටිතල පහසුකම් සංවර්ධනය සඳහා ශ්‍රී ලංකා වරාය අධිකාරිය සතු ශක්‍යතාව හා කැපවීම යළි යළිත් තහවුරු කිරීමකි.