සන්තකයේ තබා ගැනීම සහ ජාවාරම් කිරීමේ චෝදනාවට ජීවිතාන්තය දක්වා සිරදඬුවම්

2013 වසරේ අප්‍රේල් මස 07 වනදා කොටහේන ප්‍රදේශයේදී හෙරොයින් මත්කුඩු ග්‍රෑම් 6.95ක් සමග අත්අඩංගුවට ගෙන තිබූ 37 හැවිරිදි දෙදරු පියෙකුට, හෙරොයින් මත්කුඩු සන්තකයේ තබා ගැනීම සහ ජාවාරම් කිරීම යන චෝදනා යටතේ නීතිපතිවරයා විසින් අධිචෝදනා ගොනුකරනු ලැබීය.

දීර්ඝ නඩු විභාගයකින් අනතුරුව කොළඹ මහාධිකරණ විනිසුරු නවරත්න මාරසිංහ මහතා විසින් හෙරොයින් මත්කුඩු කුඩු ග්‍රෑම් 6.95ක් සන්තකයේ තබා ගැනීම සහ ජාවාරම් කිරීමේ චෝදනාවට විත්තිකරුට එරෙහිව පැමිණිල්ල විසින් එල්ල කර තිබෙන චෝදනා සාධාරණ සැකයෙන් ඔබ්බට ඔප්පු වී තිබෙන බැවින් වරදකරු බවට ප්‍රකාශ කර අද (29) ජීවිතාන්තය දක්වා සිරදඬුවම් නියම කර තිබේ.