කිඹිස්ස අවමංගල්‍ය උත්සවයකදී පුද්ගල ඝාතනයක්
පොලීසිය සඳහන් කරන ආකාරයට ඊයේ (02) රාත්‍රී කාලයේදී සීගිරිය පොලිස් වසමේ හේන්වලයාගම, කිඹිස්ස ප්‍රදේශයේදී අවමංගල්‍ය උත්සවයකදී පුද්ගලයෙකුට තියුණු ආයුධයකින් පහරදී ඝාතනයක් සිදු කර තිබේ.
අවමංගල්‍ය උත්සවයකට සහභාගී වී සිටි පුද්ගලයෙක් තවත් පුද්ගලයෙක්ට සිදු කල තියුණු ආයුධයකින් පහරදීම හේතුවෙන් ඔහු බරපතළ තුවාල ලබා කිඹිස්ස රෝහලට ඇතුලත් කිරීමේදී මියගොස් ඇත. මෙලෙස මියගොස් ඇත්තේ වයස අවුරුදු 55ක් වූ හේන්වලයාගම, කිඹිස්ස ප්‍රදේශයේ පදිංචිකරුවෙකි. දැනට සිදුකරන ලද විමර්ශනයේදී අනාවරණය වී ඇත්තේ මියගිය පුද්ගලයා සහ සැකකරු අතර කලක සිට තිබූ පුද්ගලික ආරවුලක් මත මෙම ඝාතනය සිදුකර ඇති බවයි.
සිද්ධිය සම්බන්ධයෙන් සීගිරිය පොලීසිය වැඩිදුර විමර්ශන සිදු කරයි.
03/05/2025
