රුපියල් 1500ක අල්ලසක් ගත් අයෙකු අත්අඩංගුවට

කැලණිය ප්‍රදේශයේ පදිංචි පුද්ගලයෙකු විසින් සිදු කරන ලද පැමිණිල්ලකට අනුව අල්ලස් කොමිසම විසින් රුපියල් 1,500ක මුදලක් අල්ලස් ලෙස ලබාගත් දුම්රිය දෙපාර්තමේන්තුවේ සංචාරක ප්‍රවේශපත්‍ර විභාගකරුවෙකු අල්ලස් චෝදනා මත අත්අඩංගුවට ගෙන තිබේ.

වලංගු ප්‍රවේශ පත්‍රයක් නොමැතිව ඉකුත් අප්‍රේල් 28වනදා කොම්පඤ්ඤවීදිය දුම්රිය ස්ථානය හරහා ගමන්කළ බවට චෝදනා කරමින්, පැමිණිලිකරුගේ ජාතික හැඳුනුම්පත මෙම පුද්ගලයා සිය භාරයට ගෙන තිබේ. එම හැඳුනුම්පත නැවත ලබාදීම සඳහා රුපියල් 3,000ක මුදලක් අල්ලස් වශයෙන් ඉල්ලා ඇත. කෙසේ නමුත් ඊයේ (2) දින ඔහු එම මුදල රුපියල් 1,500ක් දක්වා අඩුකර අල්ලස් ලෙස ලබාගැනීමේ දී වේදිකා අංක 7-8 හි පිහිටි සංචාරක ප්‍රවේශපත්‍ර පරීක්ෂක කාර්යාලය තුළ දී අත්අඩංගුවට පත්ව ඇත.

අත්අඩංගුවට ගන්නා ලද සැකකරු කොළඹ මහේස්ත්‍රාත් අධිකරණය වෙත ඉදිරිපත් කිරීමට නියමිතව ඇත.