අල්ලස් ගත් මහජන සෞඛ්‍ය පරීක්ෂඛ පොලිස් දැලේ
අල්ලස් හෝ දූෂණ චෝදනා විමර්ශන කොමිෂන් සභාව ප්‍රකාශ කරන ආකාරයට රුපියල් 6000/= ක මුදලක් අල්ලස් ලෙස ලබා ගැනීමේ සිද්ධියක් සම්බන්ධයෙන් මහජන සෞඛ්‍ය පරීක්ෂකවරයකු අත්අඩංගුවට ගෙන ඇත.
කරදිය නාරු ප්‍රදේශයේ ඉදිකරමින් පවතින නව නිවසක් පරික්ෂා කර එහි සැලසුම අනුමත නොකර ඉඳිකිරීම වරදක් බවට පවසා ඒ සඳහා නීති මඟින් කටයුතු කළහොත් රුපියල් 50000/= ක දඩයක් නියම වන බවට දන්වා එය සිදු නොකර ඉදිකරමින් පවතින නිවස බාධාවකින් තොරව ඉදිකිරීමට අවශ්‍ය කටයුතු සලසා දීම සඳහා රුපියල් 12000/= ක අල්ලස් මුදලක් ඉල්ලා ඇති බව එම නිවසේ අයිතිකාර කාන්තාව විසින් පොලිසියට පැමිණිලි කර ඇත.
ඒ සඳහා පැමිණිලිකාරිය ඉදිකරමින් පවතින නිවස ආකාරයටම සැකකරු විසින්ම සැලසුමක් ඇඳ එම සැලසුම අනුමත කරදීමට එකී මුදල ඉල්ලා එම මුදලින් රුපියල් 5000/= ක් මුලින් ලබාගෙන ඉතිරි මුදලින් රුපියල් 6000/= ක් පමණක් අල්ලස් වශයෙන් ඉල්ලා ලබා ගැනීමේ චෝදනාව මත කරදිය නාරු මහජන සෞඛ්‍ය පරීක්ෂක කාර්යාලයේ මහජන සෞඛ්‍ය පරීක්ෂකවරයෙකු ලෙස සේවය කරන සැකකරු පැමිණිලිකාරියගේ නිවසේ දි අත්අඩංගුවට ගත් බව පොලිසිය කියයි.
30/04/2025
