මිනිස් ඇසට පහසුව සලසන නවතම කාච
ලොව අන් කිසිදු යන්ත්‍රයකට සමාන කළ නොහැකි ක්‍රියාකාරීත්වයකින් යුත් අපගේ සිරුර අප වෙනුවෙන් ඉටු කරන වැඩ කොටස ඉතාම විශ්මිතයි. මෙම ක්‍රියාවලියේදී අපගේ අවශ්‍යතාවන් අනුව එම විවිධ ඉන්ද්‍රියයන් ක්‍රියා කරන්නේ පුදුම ආකාරයටයි. එම ඉන්ද්‍රියයන් අතුරින් එක් එක් ඉන්ද්‍රියයට ආවේනික කාර්යය පවතින අතර එක් ඉන්ද්‍රියකින් සිදු කෙරෙන කාර්ය අනෙක් ඉන්ද්‍රියට භාරදීමට හැකියාවක් ද ඇත්තේ නැහැ.
මෙම ඉන්ද්‍රියයන් අතර ඉතා වැදගත් ඉන්ද්‍රියයන් කිහිපයක් පවතින අතර අපගේ ප්‍රාණයට සම තැනක් ගෙන කථා කරන ඉන්ද්‍රියයන්ද ඒ අතර පවතියි. ඒ ඉන්ද්‍රියය වන්නේ අපගේ ඇසයි.
නිරෝගී ඇසක් නම් එමඟින් විවිධ දුර ප්‍රමාණයන්, පැහැදිලි නිරීක්ෂණ කළ හැකි වුවද අපගේ අවශ්‍යතාව අනුව රූපයේ පැහැදිලි හා නිරවුල් බව මිනිස් ඇස මඟින් තහවුරු කරයි. මේ ක්‍රියාවලියට හේතු වන්නේ ඇසකට ස්වභාවිකව හිමි වී පවතින ක්‍රියාකාරීත්වයයි. නමුත් විවිධාකාර හේතු නිසා මෙම ක්‍රියාකාරීත්වය සැමවිට නිවැරදිව පවත්වාගෙන යාමට නොහැකි වනවා මෙන්ම අපගේ අවශ්‍යතාව අනුව විවිධ දුර ප්‍රමාණ අනුව ඇසේ ක්‍රියාකාරීත්වය වෙනස් කිරීමට හැකියාවක් ඇත්තේ නැහැ.
ඒ නිසා ඇස අභ්‍යන්තර කොටස්වල (අක්ෂි කාචය, තාරා මණ්ඩලය, කණිනිකාව ආදී) විශේෂයෙන් කාචයේ ක්‍රියාකාරීත්වයට උපකාරී වීමට බාහිරින් විවිධ ආධාරක ලබාදිය යුතුයි. මෙසේ භාවිතා කරන ප්‍රධාන ආධාරකය වන්නේ ඇස් කණ්ණාඩියි. ඇස් කණ්ණාඩි පිළිබඳ මේ වනවිට ඔබ බොහෝ තොරතුරු දන්නවා ඇති. නමුත් ඇසේ ස්වභාවික ක්‍රියාකාරීත්වයට අවශ්‍ය පරිදි උපකාරයක් ලබා ගත හැකි ආධාරක මේ වනවිටත් නවින තාක්ෂණය මඟින් ලබාගත හැකි ආධාරක නවීන තාක්ෂණය මඟින් නිපදවා ඇත. එසේ නිපැයූ කාච වර්ග පිළිබඳව මේ වනවිටත් ඔබට යම් අදහසක් ඇති. සාමාන්‍ය මිනිස් ඇසකට එකවරම අඩු දුරකින් පිහිටි දෙයක් නිරීක්ෂණය කරනවාත් සමඟම ඈතින් පිහිටි දෙයක්ද නිරීක්ෂණය කළ හැකිය. මේ හැකියාව බාහිරින් පළඳින කාචය මඟින් දැකගත හැකිනම් එහි පවතින විස්මිත හැකියාව පිළිබඳව අමුතුවෙන් පැවසිය යුතු නොවේ. ඒ වගේම මෙසේ පළඳින කණ්ණාඩිය ඇසේ ස්වභාවික ක්‍රියාකාරීත්වයට බොහෝ දුරට සමාන වන මට්ටමට ගෙන ඒමට තරම් තාක්ෂණය මේ වනවිට දියුණු මට්ටමකට පත්ව ඇත.
එවැනි කණ්ණාඩි කුට්ටමක එසේත් නැත්නම් උපැස් යුවළකට භාවිතා කරන කාච වර්ග Bifocal lenses, Trifocal Lenses සහ Multifocal Lenses ලෙසින් හඳුන්වනු ලැබ්. මේවා ඇස්වල පවත්නා විවිධ දුර්වලතාවයන්ට අනුව විවිධ පුද්ගලයා අනුව ඇසේ ඇතිවන දුර්වලතා සඳහා භාවිතා කෙරෙයි. අතීතයේදී මේ Bifocal lenses පමණක් ඇස් කණ්ණාඩි නිපදවීමේදී භාවිතා කළද පෙර පැහැදිලි කරන ලද ආකාරයට තාක්ෂණයේ දියුණුව නිසාත් උපැස් භාවිතා කරන පුද්ගලයාගේ පහසුවටත් තවත් කාච වර්ග යුගළක් ද මේ වනවිට භාවිතයට පැමිණ අවසන්. ඒවා Trifocal සහ Multifocal ලෙසින් හැඳින්වේ.
සාමාන්‍යයෙන් ඇසක දුර්වලතාවක් පවතින විට අක්ෂි වෛද්‍යවරයකුගෙන් උපදෙස් ලබා ගත්තත් ඔබටත් තමා මිලදී ගැනීමට යන කණ්ණාඩියේ කාචයේ ක්‍රියාකාරීත්වය පිළිබඳ හොඳ අවබෝධයක් තිබිය යුතුයි. එමඟින් ඉදිරියේදී මුහුණ දීමට සිදුවන ගැටලුවලදී ඒවාට අනුව තමාගේ උපැස් යුවළ සකසා ගැනීමට ඔබට හැකියාවක් ඇති කරගත හැකියි. Bifocal lenses ලෙන්සස් Plus(+) සහ Minus (-) ලෙසින් වර්ග වේ. මෙහි Plus(+) වර්ගයේ කණ්ණාඩි ඉතා දැඩි ඝනකමින් යුතු වන අතර පැළඳගෙන සිටීමද ඉතා අපහසු වේ. නමුත් Minus(-) වර්ගයේ කණ්ණාඩි බරින් අඩු අතර ඝනකමද ඉතා අඩු වේ. ඒ වගේම එම කාච වර්ගයේ ප්‍රති පරාවර්තකය ද (Auti-Reflectine couting) එහි තවත් විශේෂත්වයක්.
ඒ වගේම Multifocal, Trifocal Lenses වාසි සහගත තත්ත්ව කිහිපයක් පවතියි. ඒ අනුව අනෙකුත් කාච වර්ග යෙදා කණ්ණාඩි භාවිතයේදී කුඩා පරාසයක් තුළ දුර බැලීමට අවශ්‍ය වූ විට හිස මඳක් ඔසවා බැලීමට අවශ්‍ය වූවත් මේ කාච වර්ග යෙදූ කණ්ණාඩි ඊට කදිම විසඳුමක්. එමෙන්ම Bifocal lenses වලින් යුතු කාච මඟින් තෙහෙට්ටුවට පත්වන ඔබගේ ඇස් සඳහා Multifocal Lenses කදිම පිළිතුරක් සපයාවි. තවද මෙහි ප්‍රධාන පරාස තුනක් පවතින අතර ඒවා නම් ළඟ, අතරමැද හා දුර වේ. ඇසට පැවරී ඇති කාර්ය අනෙකුත් ඉන්ද්‍රියයන්ට කරදරයක් නොවී ඉටුකර ගැනීමට මෙම කාච වර්ගය මඟින් ඉටු කරන කාර්ය ඉතා විශේෂිතයි. ඒ වගේම සාමාන්‍ය නිරෝගී ඇසකින් ඉටු කරන කාර්යයට සමාන කාර්යයක් මෙමඟින් බොහෝ දුරට ඉටුවන බවද සඳහන් කළ යුතුයි.
ආචාර්‍ය මිහිර වික්‍රමාරච්චි
අධ්‍යක්ෂ වික්‍රමාරච්චි ශ්‍රවන හා කතන පුහුණු ආයතනය
උපුටා ගැනීම දිනමිණ
