මේ වැරැදි කළොත් කවදාවත් අලුත් ගෙදර වැඩ ඉවරයක් වෙන්නේ නෑ
අප කවුරුන් වුවත් අපගේ නිවාසයන් ඉතා ඉක්මනින් හා අලංකාරවත්ව සාදා ගැනීමට අපේක්ෂා කරනවා. නමුත් ඊට විවිධ බාධා, කරදර මූල්‍යමය ප්‍රශ්න මෙන්ම වෙනත් විවිධ වූ ප්‍රශ්න ඇති වීමට පුළුවන්. අපගේ පරීක්ෂණයන්ට අනුව ඊට මූලික හේතු වන්නේ ගෘහ ආරම්භයේදී පටන් ගත් නැකැත් බල හා වාස්තු විද්‍යා දෝෂයන්ය. මෙම දෝෂයන් දෙකම තදින් බලපාන බව පෙනේ. මේ නිසා නිවාස ඉදිකරන්නන් විසින් මුලින්ම සැලකිය යුත්තේ තමන්ට
නිවාස ඉදිකිරීමට තරම් සුදුසු කාලයක් තමාගේ ජන්ම පත්‍රයට අනුව තිබේද කියා බලා ගැනීමයි. කෙනකුගේ ජන්ම පත්‍රයට අනුව හතර වැන්නාධිපතියාගේ මහ දසාවත් අන්තර් දසා කාලයත් විදශාව හෝ හතරවැන්නේ දිග්බලව ගමන් කරන ග්‍රහයකුගේ මහ දසාවත් අන්තර් දසාවත් නිවාස ඉදිකිරීමට සුදුසු කාලයක් බව ජේ‍යාතිෂයේදී උගන්වයි. මෙසේ යොදා ගන්නා කාලය තුළ සූර්යයා උත්තරායනයෙහි ගමන් ගන්නා කාලය වඩාත් සුදුසු බව ඍෂි මතයයි. තවද මෙම කාලයන් තුළදී කෝණ මාස වශයෙන් ගණන් ගන්නා කාලය එනම් රවි, ධනු, මීන, මිථුන, කන්‍යා රාශිවල ගමන් ගන්නා
කාලයක්ද අත්හළ යුතු වේ. නිවාස ඉදිකිරීමේදී වෘෂභ හා භූමි නාග චන්ද්‍රයන්ට අනුව නැකැත් ගත යුතු බව උගන්වයි. මේ නිසා නිවාස ඉදිකිරීමේදී කෝණහර මාසවලදී එම කටයුතු ආරම්භ කළ යුතුය. නිවාස ඉදිකිරීමේදී ඒ සඳහා යොදාගත යුත්තේ තිර රාශීයන්ය. තිර රාශීන් වශයෙන් ගණන් ගන්නේ වෘෂභ, සිංහ, කුම්භ හා වෘශ්චික රාශීන්ය. මෙයිනුත් වෘෂභ, කුම්භ හා සිංහ රාශීන් උතුම් රාශීන් වශයෙන් ගණන් ගනු ලැබේ. උභය රාශීන් වන මිථුන,
කන්‍යා, ධනු, මීන රාශීන්ද සුබ යැයි සඳහන් වේ. මෙහිදී තිර රාශීන් කොහෙත්ම නොගැළපෙන බව සඳහන් වේ. චර රාශීන් වශයෙන් ගණන් ගන්නේ මේෂ, කටක, මකර, තුලා යන රාශීන්ය. නැකැතට ගන්නා තත්කාලයෙහි ග්‍රහයන් බලවත්ව පිහිටුවා ගත යුතු වේ. තත්කාල කේන්දරයෙහි හතර වැන්නාධිපති 11, 5, 9, 3, 10 උච්චව මිත්‍රව සුබයට පෙනෙන ලෙස යොදා ගත හැකිය. රවි 11 හේ නම් කෝටියක් දෝෂ භංග වන බව කියැවේ.
ගුරු ලග්නයේ තබා සිකුරු, සඳු, බුධ වැනි සුබයන්ට පෙනෙන ආකාරයට නැකැත් සාදා ගත යුතුය. ගෙවල් සෑදීමට සුබ නැකැත් වශයෙන් ගන්නේ අස්විද, රෙහෙණ, මුවසිරස, පුනාවස, පුෂ, මා, හත, සිත, සා, අනුර, දෙට, මුල, සුවණ, දෙනට, සියාවස, රේවතී හා තුනතුරු යන නැකැත්ය. මෙම නැකැත් ජන්ම සම්පත් ආදී විධියට සලකන විට සම්පත් ක්ෂේම, සාධක, රේවතී, පරම මෛත්‍රි යන නැකැතකට අසුවන සේ යොදා ගත යුතුය. ඒ සඳහා සුබ තිථි වශයෙන් ගණන් ගන්නේ පුර 2, 3, 7, 5, 10, 11, 12, 13 යන තිථීන්ය. තවද රවි සිටි නැකැතේ සිට ගණින විට 9, 10, 11, 12, 13, 14, 16, 17, 18, 19, 20, 21 යන නැකැත්වලට අසුවේ නම් චක්‍රයන්ට එල්ල වේ. ගෙවදීමේදී හා උළුවහු තැබීමේදී මෙම නැකැත් චක්‍රයන්වල යම්
යම් වෙනස්කම් හැර ගැළපෙන අයුරින් සාදාගත හැකිය. නිවාස ඉදිකිරීමේදී බහිරව පූජාවක් තබා ගැනීමට හැකියාවක් ඇත්නම් සුබ වන අතර නැත්නම් මුල් ගල රතන සූත්‍රයෙන් 21ක් වතාවක් පිරිත් කර ගැනීමද සුදුසු වේ. නිවෙසකට මුල්ගල තැබීමේදී භූමි නාගයාගේ නාභිය තියෙන තැන මුල් ගල තැබිය යුතු වේ. මී ළඟට නිවාස ඉදිකිරීමේදී ඊට එල්ල වන වාස්තු විද්‍යා කටයුතු මොනවාද කියා බලමු. වාස්තු විද්‍යා කටයුතුද බොහෝ වන අතර නිවෙසක් ඉදිකිරීමේදි ඉඩමේ වැඩි ඉඩ ප්‍රමාණයක් උතුර හා නැඟෙනහිරට තිබිය යුතු බවත් ගෙය නිරිත දිසාවට බරව හැදිය යුතු අතර ඉඩමේ වැඩි ඉඩ ප්‍රමාණයක්
ඇත්නම් ප්‍රේත පාදය අත්හළ යුතුය. තවද නිවෙසක වර්ගඵලය ගැනීමේදී එකොළොස් පොරොන්දමින් 6ට වැඩි ප්‍රමාණයක් ගත යුතුය. මෙහිදී අය පක්ෂයක් ගෘහ නක්ෂත්‍රයට අනුව තම නැකැතට අධිමිත්‍ර වනසේ වර්ගඵලය ගත යුතය. ඉඩමේ ඊශාන දිසාව පිරිසුදුව තබා ගත යුතු අතර උස් ගස් කොළන් ඒ ප්‍රදේශයේ නොතිබිය යුත්තේ විශ්ව ශක්තිය එම ප්‍රදේශයෙන් එන නිසාය. තවද නිවෙසට ෙදාරවල් තබන විට ඒ ඒ දිසාවන්ට ෙදාරවල් තබන ස්ථාන හා අත්තිවාරම් කපන සුබ පාදයන්ට අනුව එම කටයුතු කළ යුතු වේ. තවද ද්වාර වේද දෝෂ ද නිවෙසකට බලපාන බැවින් එම දෝෂයන් මඟහරවා ෙදාරවල්
තැබිය යුතුය. මෙම කරුණුවලට අනුව නිවෙසක් සෑදීමේ දී කුස්සිය, ප්‍රධාන නිදන කාමර ආදිය නියමිත ස්ථානයන්හි තිබිය යුතුය. ගෘහ දිසා චක්‍රයන්ට අනුව මුළුතැන්ගෙය ගිනිකොනටත් ප්‍රධාන නිදන කාමරය නිරිතටත් ධාන්‍යාගාරය වයඹටත් බොජුන් ගෙය, කෑම කාමරය බටහිරටත් ආගමික වතාවත් කරන ස්ථානය ඊසානයටත් සාලය නැඟෙනහිරටත් වැසිකිළිය නිරිත දිසාවටත් සුබ යැයි සඳහන් වේ. ප්‍රධාන නිදන කාමරය නිරිතටද ගන්න බැරි නම් වයඹද සුදුසු වේ. මුළුතැන්ගෙය ගිනිකොනට දාගන්න බැරිනම් එය වයඹ දිශාවට සුදුසු වේ. උතුර හා දකුණු දිසාවට නිදන කාමර දිශාගත කර ගතයුතුය.
තවද නැඟෙනහිර ෙදාර තබන්නේ නම් ජයන්ත හො සිඛී පාදයෙහි ප්‍රධාන උළුවස්ස තබන්නේ නම් ඉතා හොදයි. නිවාස ඉදිකිරීමේදී ඊට විවිධ අවහිර බාධා ඇති වන වාස්තු විද්‍යා හා ජේ‍යාතිෂ සිද්ධාන්තයන් බොහෝ තිබෙන අතර ලිපිය දික්වන හෙයින් ඊට හේතු වන ප්‍රධාන කරුණු කිහිපයක් මෙසේ සඳහන් කරමි. වර්තමාන කාලයේ පවතින ආර්ථික ප්‍රශ්න නිසා නිවාස ඉදිකිරීම් ඉතා අවම මට්ටමක තිබුණත් ඉහත කී සිද්ධාන්තවලට අනුව කෙනකු තම නිවාස ඉදිකිරිම් කටයුතු කළොත් වාසනාවට මෙන් ඉතා ඉක්මනින් ලස්සන නිවාසයක් ඉදිකිරීමට හැකියාව ලැබෙන බව පෙන්වා දෙමි.
උපුටා ගැනීම මව්බිම
