පුරුෂ වන්ධ්‍යකරණය නිසා ලිංගික බෙලහීනතාව ඇති වන්නේ නැහැ
පුරුෂ ප්‍රජනක පද්ධතිය ආශ්‍රිතව හට ගන්නා රෝග ගැන කථා කරන්නට පෙර පුරුෂ ප්‍රජනක පද්ධතිය සහ පිරිමියාගේ සිරුර තුළ සිදුවන්නේ කුමක්ද යන්න දැනගැනීම ඉතාම වැදගත් වෙනවා. මේ නිසාම මෙවර පුරුෂ ප්‍රජනක පද්ධතිය පිළිබඳව තොරතුරු ගෙන එන්නට අප අදහස් කළා. පිරිමියාගේ සිරුර තුළ සිදුවන දේ පිළිබඳව ප්‍රජා වෛද්‍ය විද්‍යාව පිළිබඳ විශේෂඥ වෛද්‍ය ආරියසේන යූ. ගමගේ මහතා අදහස් දැක්වූයේ මෙසේයි.පුරුෂ ප්‍රජනක සෛල හෙවත් ශ්‍රක්‍රාණු නිෂ්පාදනය කිරීම පිරිමියාගේ ප්‍රජනක පද්ධතියේ ප්‍රධානම කාර්යය භාරය වෙනවා. මෙම ශ්‍රක්‍රාණු යෝනි මාර්ගයට මුදා හැරීමද සිදු කරන්නේ පුරුෂ ප්‍රජනක පද්ධතිය හරහායි. ශ්‍රාකාණු නිෂ්පාදනය, කෙනෙකු යෞවනත්වයට පත් වීමත් සමඟ, ආරම්භ වී මහලුවියට පත් වන තුරුම සිදු වෙනවා. ස්ත්‍රී ප්‍රජනක පද්ධතියේ මෙන්ම පුරුෂ ප්‍රජනක පද්ධතියද අභ්‍යන්තර සහ බාහිර ලෙස කොටස් දෙකකට වෙන් කෙරෙනවා.පුුරුෂයාගේ අභ්‍යන්තර ලිංගේන්ද්‍රියන් සියල්ල ශරීරය ඇතුළට වන්නට පිහිටා තිබෙන අතර බාහිර ලිංගේන්ද්‍රියන් වන වෘෂණ කෝෂ සහ ශිෂ්ණය පිටතට පෙනෙන ආකාරයෙන් පිහිටා තිබෙනවා. විශේෂයෙන් පුරුෂයෙකුගේ බාහිර ලිංගේන්ද්‍රියන් පිටතින් පිහිටන්නටම හේතු වූ විද්‍යාත්මක කරුණු පිළිබඳව පසුව විග්‍රහ කෙරෙනවා.
බාහිරින් පෙනෙන වෘෂණ කෝෂ සහ ශිෂ්ණය යා කෙරෙන මාර්ගය ශරීරය අභ්‍යන්තරයෙහි පිහිටා තිබෙනවා.ශරීරය තුළ පිහිටා තිබෙන ඉන්ද්‍රියයන් වන අපි මුවෙකය, ශ්‍රක්‍ර නාලය ශ්‍රක්‍ර ආශයිකා, පුරස්ථ ග්‍රන්ථිය, බල්බ මුත්‍ර ශීය ග්‍රන්තිය සහ මුත්‍ර මාර්ගයේ මුල් කොටස මඟින් එකිනෙකට වෙනස් වූ කාර්යයන් සිදු වෙනවා.අතිශයින් දඟර ගැසුණු නාලයක් වන අපි මුවෙකය (Epididymis) වෘෂණයේ ඉහළ කෙළවරට සවි වී තිබෙනවා.
වෘෂණයේ සෑදෙන ශ්‍රක්‍රාණු මේරීම සිදුවන්නේ අපි මුවෙකය තුළයි. ශ්‍රක්‍රාණු මේරීමේ ක්‍රියාවලියට දින 20ක පමණ කාලයක් ගත වෙනවා. මෙසේ මේරීමට ලක් වූ ශ්‍රක්‍රාණුවලට චාලක ශක්තිය හෙවත් ගමන් කිරීමේ හැකියාව ලැබෙන්නේද මෙම කොටසේදීයි. චාලක ශක්තිය ලැබුණු ශ්‍රක්‍රාණු ඉන් අනතුරුව ශ්‍රක්‍ර නාලයට පැමිණෙනවා.මේරූ ශ්‍රක්‍රාණු තැන්පත් කර තබා ගනිමින් අවශ්‍ය වූ විටදී මුත්‍ර මාර්ගයට මුදා හැරීම ශ්‍රක්‍ර නාලයේ (Vasdefetens) ප්‍රධාන කාර්යභාරය වෙනවා.සෙන්ටිමීටර 45ක් හෙවත් අඩි එකහමාරක් පමණ දිගින් යුත් මෙම නාලය වෘෂණයේ අපි මුවෙකයෙන් පටන් ගෙන මුත්‍රශයට ඉහළින් ගොස් මුත්‍රා මාර්ගය වටාද ගොස් පහළට පැමිණ පුරස්ථි ග්‍රන්ථිය හරහා මුත්‍රා මාර්ගයට විවෘත වෙනවා.පුරුෂ වන්ධ්‍යකරණයට හෙවත් වාසෙක්තමී (Vasectomy) සැත්කමේදී සිදුවන්නේ වෘෂණයට ඉහළින් වෘෂණ කෝෂයේ කුඩා කැපුමක් යොදා එම කැපුම හරහා ශ්‍රක්‍ර නාලය පිටතට ගෙන කපා වෙන්කර ගැට ගැසීමයි. මේ මඟින් ශ්‍රක්‍රාණු වෘෂණයේ සිට මුත්‍ර මාර්ගය දක්වා පැමිණීම අවහිර කරනවා. මෙහිදී ශ්‍රක්‍රාණු නිෂ්පාදනය නතර වීම නිසා මෙම සැත්කම සාර්ථක උපත් පාලන ක්‍රමයක් ලෙසද පිළිගනු ලබනවා.ස්ථීර උපත් පාලන ක්‍රමයක් වන මෙම ක්‍රමය අනුගමනය කළ අයෙකුට නැවත දරුවෙකු වුවමනා යැයි සිතුණ හොත් නැවත සැත්කමක් මඟින්, කපා වෙන්කරන ලද ශ්‍රක්‍ර නාල එක් කිරීමේ හැකියාවද පවතිනවා. එවිට නැවතත් ශ්‍රක්‍රාණු නිෂ්පාදනය ආරම්භ වී දරුවෙකු ලබා ගැනීමේ හැකියාවද පවතිනවා.මෙම සැත්කමෙන් පසු ලිංගික බෙලහීනතාවයට පත්වන බවට බොහෝදෙනෙකු තුළ සැකයක් පවතිනවා. එය සම්පූර්ණ අසත්‍යයක් වන අතර මෙම සැත්කම සහ ලිංගික බෙලහීනතාව අතර කිසිදු සම්බන්ධතාවයක් දක්නට ලැබෙන්නේද නැහැ.උපුටා ගැනීම දිණමින
Back
.jpg "ඇදුම රෝගයට හිතුමනාපෙට ඛෙහෙත් බොන්න එපා")
